SERÉ´L TO ESPEYU

Ye curiosu
atopase reflexáu notru espeyu,
descubrise nun dolor ayenu;
revivir el momentu más fríu,
esi vacíu infinitu,
cuando pensabes que nun diba apaecer
enxamás...
que taba presu
(pa siempre)
na to memoria...

Al final
somos más parecíos de lo que pensamos;
sentimos la mesma llercia inesplicable,
el mesmu desasosiegu que mos paraliza,
l´angustia que conxela cada centímetru
de la nuesa piel
y enmudez toes
les pallabres,
la inmensa tristura
al comprobar cómo se desfai l´amor
ensín poder facer nada pa evitalo...

Asumir les coses,
dexar pasar el tiempu,
y tirar p´alantre...
Solo...
(o en compañía d´otros)

* A P. , dende l´otru llau...